المتعوس

هذه القصة رواها أحدهم قال :

شقيقان واحد ثري جدا، والثاني فقير فقر مدقع.

قلت للثري وتربطني به صداقة :
خاف الله في الضعيف، ساعده باللي تقدر عليه

قال : والله اني ساعدته وما قصرت معه لكن ما يدخل شغلة اﻻ ويجيب العيد
شريت له غنم وماتت
شريت له دينا وقلبها

جهزت له سوبرماركت في محطتي، وانحرق السوبرماركت والله سلم المحطة
سلفته 100 الف واخذتها منه قلت باشغلها لك
ودخلت بها في اﻻسهم وراحت تيت

اخر شي قلت له ﻻ عاد اشوفك، ارسلي ولدك كل شهر
ياخذ مصاريف البيت واﻻوﻻد

قلت : غير معقول
قال : اليوم عندي مناسبة وبيحضر وشوف بنفسك
قال : تجمعنا من العصر في مزرعة الثري وحضر سيء الحظ
ووقف سيارته عند البوابة

قال الثري : هذه 5000 بارميها في طريقه ان شافها فهي حلال عليه

المسافة من البوابة للمجلس يمكن 30 م وفيه ممر عرضه 1.5 م

سيء الحظ وبشكل مفاجيء

صرخ، تتحدوني اجيكم مغمض عيوني

تصايحنا عليه ، يابن الحلال تعال مفتح ، الخير قدامك

قال : وعلى الطلاق ﻻجيكم مغمض.